Actualités

Partagé sur :
• facebook

Ny zoma 22 aogositra lasa teo dia nisy nitory tamin'ny mpitandro ny filaminana ity mpiantsambo mpanampy izay miasa amin'ny tobim-pahasalamana iray ao Sambava noho ny fanaovany "Avortement" na fanalan-jaza tamina zazavavy kely 16 taona tratran'ny vohoka tsy nirina ka nitoe-jaza tany am-pianarana

. Raha ny fandehan’ny tantara dia hifarana ny taom-pianarana 2013-2014 teo iny no nahatsikaritra zavatra hafahafa teo amin ny fomba fihetsika andavanandron’ity zanany vavy ny renim-pianakaviana. Raha nofotorana lalina ny zanany dia nibaboka ary nilaza fa bevohoka. Tsy nionona tamin'izany fa nentina notsapaina tany amin’ny mpitsabo ka voamarina fa mitoe-jaza rakalakely. Nanomboka teo dia nanamboatra ny sain-janany ny reniny. Ny alakamisy 21 aogositra 2014 lasa teo anefa dia nitaraina ho nafana hoditra ilay tovovavy ary nandeha ra tsy an-kijanona. Taitra ny reniny ka nikoropaka. Tao anatin’ny fanaintainana nahazo azy no nifona teo anatrehan'ny reniny ilay tovovavy  fa nanao zavatra mamoafady ka nanaisotra ny zaza tao an-kibony izay efa ho 4 volana. Voatondro fa mpitsabo mpanampy iray izay manana ny lazany amin'ity fanalan-jaza ao Sambava ity no nahavanon-doza. Nametraka fitarainana momba io ny renim-pianakaviana io ny tompon-janaka ary notoriany niaraka taminy koa ilay lehilahy izay nahabevohoka ny zanany tsy mbola ampy taona sady mbola mpianatra.

Tia Tanindrazana

Samia mijoro ho an'i Gasikara.