Actualités

Fanadinana bakalorea Ny taranja filozofia no hisantaran�izy 156.346 azy anio

Actualités
Alatsinainy 18 Aogositra 2014

Hanomboka anio alatsinainy 18 ka tsy hifarana raha tsy ny alakamisy 21 aogositra ho avy izao ny fanadinana bakalorea amin�ity taom-pianarana 2013-14 ity. Nahatratra 156.346 ireo mpiadina voasoratra anarana manerana an�i Madagasikara ka sokajy ankapobeny ny 146.942 amin�ireo ary mitsinjara amin�ireo foibem-panadinana miisa 252.

Teratany vahiny ny 5 amin’ireo, misy jamba 9 koa amin’ireo mpiadina. Raha ny nambaran’ny tompon’andraikitra dia nahitana fitomboany fito isan-jato ny isan’ireo mpiadina nihoatra ny tamin’ny taon-dasa ka ireo ao amin’ny sokajy A2 no betsaka amin’ireo mpiadina raha toa ka ny ao amin’ny sokajy C no vitsy. Ny taranja filozofia no hisintarana ny fanadinana ny maraina ary ny malagasy ny hariva.