Actualités

Fampisakafoanana ny ankizy an-tsekoly Mitady 8,4 miliara Ariary hanohizana ny fandaharan�asa

Actualités
Talata 22 Jolay 2014

Fanambin�ny minisiteran�ny fanabeazam-pirenena ny hamerina an-tsekoly zaza dimy hetsy amin�ireo dimy hetsy sy iray tapitrisa tokony hianatra raha ny tombana farany. Nisy ny fanentanana nasionaly natao hamerenana an-tsekoly indray ireny ankizy niala an-daharana na voatery niato ireny

Misy ihany koa ny fandaharan’asa fampisakafoanana ny ankizy an-tsekoly ataon’ny Minisiteran’ny Fanabeazam-pirenena izay vatsian’ny PAM mba hanampiana ireo ankizy. Misahana sekoly miisa 1 250 izay ahitana ankizy 219 000 avy ao amin’ny faritra atsimon’ny Nosy ny fandaharan’asa. Fantatra anefa fa vola mitentina 8,4 miliara Ariary no tadiavina hoentina hanohizana ny fandaharan’asa amin’ny taom-pianarana 2014-2015. Mbola ny 4%-n’ny ankizy mpianatra amin’ny ambaratonga fototra ihany koa hatreto no mahita tombontsoa amin’ity fandaharan’asa ity. Marihina fa ny SABER “System Approach for Better Education Result” izay rafitra ao anatin’ny Banky Iraisam-pirenena no fitaovana manetsika hahatrarana ny fanatsarana ny fampianarana, tafiditra ao anatin’izany ny fampisakafoanana an-tsekoly sy ny fahasalaman’ny ankizy.