Fampiratiana ny vokatry ny tantsaha

Raikitra ny santa-bary sy santa-bokatra eny Talatamaty

Actualités
Zoma 20 Jona 2025

Amin’ny maha-kaominina ambanivohitra an’i Talatamaty, distrikan’Ambohidratrimo

dia mahatratra 50% eo ho eo ireo tantsaha mpamokatra eny amin’iny faritra iny. Miezaka ny kaominina araka izany mamatsy fitaovana sy masomboly ho azy ireny arahin’ny fiofanana ka isan-taona ao anatin’ilay hetsika “Santa-bary santa-bokatra” no hampirantian’izy ireo ny vokatra novokariny. Nosokafana tamim-pomba ofisialy omaly Alakamisy 19 Jona ny hetsika fanokafana mifandraika amin’izany, haharitra 4 andro. Tanjon’ny kaominina ny hahafahan’ireo tantsaha mivarotra ny vokatra novokariny sy hitadiavany lalam-barotra vaovao indray toy ny vokatra ara-pambolena, ny fiompiana, ny jono, ny asa tanana ary ny indostria. Ankoatra ity hetsika ity moa dia nozaraina fanomezana toy ny bisikoitra sy ranom-boankazo ihany koa ireo kilonga madinika ao anatin’ny kaominina Talatamaty noho ny fahatongavan’ny Fetin’ny 26 Jona. Ankizy an-jatony no nisitraka izany vokatry ny fiaraha-miasan’ny fikambanana IFRAAN Mauritus Tanacrex sy ny kaominina.
Pati
Legende : Nandritra ny fitetezana ireo trano eva am-polony notarihin’ny Ben’ny tanana mpisolo toerana !