Actualités

Fampirantiana momba ny fahandroan-tsakafo Miditra amin'ny andiany fahefatra ny hetsika

Actualités
Alarobia 10 Septambra 2014

Toy ny fanaony isan-taona dia hanatanteraka ilay fampirantiana momba ny fahandroan-tsakafo maneran-tany indray ny AFT etsy Andavamamba. Andiany fahefatra izy ity, hanomboka rahampitso alakamisy 11 septambra haharitra valo andro

»Faites voayger vos papilles », io no lohahevitra hampitondraina ny hetsika hanoloran’ireo manampahaizana manokana momba ny sakafo ireo tsiambaratelo rehetra mahakasika ny fahandroan-tsakafo. Tafiditra ao anatin’izany ireo manampahaizana miara-miasa akaiky amin’ny AFT na ny eto an-toerana na ny avy any ivelany. Tanjona raha ny fanazavan’Andriantsoa Andriamihanta, lehiben’ny departemantan’ny kolontsaina ao amin’ny AFT etsy Andavamamba ny hahafahana mampiroborobo ny sehatry ny kolontsaina amin’ny alalan’ny sakafo. Asaina ho avy hanotrona ny fotoana ny daholobe satria dia maimaimpoana ny fidirana. Tsara ny mampahatsiahy fa ry zareo Frantsay no tena namorona voalohany ity fampirantiana momba ny fahandroan-tsakafo maneran-tany ity. Na izany aza anefa ny soa fianatra.