Actualités

Fampiatoana fahazoana tanim-panjakana Hanafoana ireo tsikombakomba maloto tokoa ve ?

Actualités
Zoma 01 Aogositra 2014

Mihantona hatramin�ny faran�ny taona 2014 aloha ireo karazana fanomezana tanim-panjakana eny anivon�ny kaominina, faritra na ny faritany, araka ny filankevitry ny minisitra ny 15 jolay 2014 ary nohamafisin�ireo didim-panjakana roa navoakan�ny minisiteram-panjakana misahana ireo Fotodrafitrasa, ny Fampitaovana ary ny Fanajariana ny Tany ny 31 jolay 2014.

5 volana hamaritana mazava ny tanim-panjakana ka mpitantana tanàna miisa 36 avy eto an-drenivohitra sy ny manodidina no nomena fanazavana fanampiny mikasika ity fanapahan-kevi-panjakana ity omaly teny amin’ny Planina Anosy. Ilaina hamoraina ny fanomezana tanim-panjakana ho an’ireo rafitra fitsinjaram-pahefana, indrindra ny kaominina, hoy ireo ben’ny tanàna. Mbola maro mantsy ireo filana eny anivon’ireo kaominina toy ny fananganana fotodrafitrasa na hatao tanimboly na koa toerana fambolen-kazo. Ho an’ny ben’ny tanànan’Antehiroka, Randrianarison Patricia, ohatra, dia tsara ny fanapahan-kevitra. Tsy resy lahatra kosa ny tenany fa ho foana ireo tsikombakomba maloto amin’ny fahazoan’ireo olon-tsotra tanim-panjakana. Mila jerena akaiky ihany koa ny fanafainganana ny fomba fiasan’ireo mpiasam-panjakana amin’ny ankapobeny ary ny sehatry ny fananantany manokana, araka ny soso-kevitr’ity ben’ny tanàna ity.