Fampiasana « drones » eto Madagasikara

Manamafy ny fepetra sy fanaraha-maso ny ACM

Actualités
Alarobia 18 Jona 2025

Nambaran’ny Aviation Civile de Madagascar (ACM) fa manomboka izao

dia takiana ho voasoratra anarana amin’ny fomba ofisialy avokoa ny « drone » ampiasaina eto amin’ny tanin’i Madagasikara. Tsy tafiditra amin’izany anefa ireo « drône » kely izay tsy mihoatra ny 100 metatra ny halaviran’ny sidiny ary tsy misy fakan-tsary. Raha tsy manaraka io fepetra vaovao io ny mpampiasa, dia ho raisina ho toy ny fanitsakitsahana lalàna izany, hoy hatrany ny fanazavana avy amin’ny ACM. Mbola miandry ny fanokafana ny sehatra an-tserasera hanaovana ny fisoratana anarana, saingy efa misy fombafomba vonjimaika azo arahina amin’izao fotoana izao.
Asmynah Randriamananjara (Mpiana-draharaha)