FAMPANDROSOANA NY FOKONTANY

Partagé sur :
• facebook

Tsy tokony hiandry teti-bola foana vao manao zavatra hoy Rafanomezantsoa Jean Nirina,

omaly raha niresaka momba ny fandraisan’andraikitry ny olom-pirenena tsirairay avy amin’ny fanasoavana ny mpiara-belona izy. Vola, vola, vola hatrany hoy izy no resahina izay vao hihetsika nefa tsy izay no lalana. Ny fandraisan’andraikitra no tena ilaina fa raha manana izay toe-tsaina izay avokoa ny rehetra dia ho tafavoaka ny firenena. Ho azy manokana dia nohantitranteriny fa tsy hiandrasany teti-bola ireo karazana hetsika tanterahiny ao amin’ny Fokontany hiadidiany. Ny olona no harena hoy Rafanomezantsoa Jean Nirina ka rehefa miezaka ny mikarakara sy mifanampy amin’izy ireny dia tsy maintsy mandroso foana. Efa fantatr’ity sefom-pokontany iray ity avokoa moa ireo maharary ny mponina ao aminy toy ireo trano miorina eny ambony lakan-drano, ny lakan-drano tsentsina, ny hamaroan’ireo sahirana tsy misy mpiahy….izay tsy hiandrasany teti-bola fa hirotsahany an-tsehatra avy hatrany miankina amin’ny eo am-pelatanany. Efa nisy ohatra omaly ny fanentanana ny mpivady mba hampiasa ny fomba fandrindram-piainam-pianakaviana hisorohana ny fiterahana maro loatra izay mety hahafaty ny Reny no sady mampitontongana ny fiainan’ilay fianakaviana. Voakasik’izany ihany koa ireo tanora lahy sy vavy efa mahalala firaisana.
Pati
Legende : Rafanomezantsoa Jean Nirina, sefom-pokontany Anosizato Est I, sady filoha nasionalin’ny fikambanana HAFARI Malagasy !
 

Tia Tanindrazana

Samia mijoro ho an'i Gasikara.