FAMPANDROSOANA LOVAIN-JAFY

Ny Kristiana no tena tokony

Actualités
Alarobia 03 Jona 2026

hitondra izany hoy ny Madagascar 3 M

Ny Kristiana no tena tokony hitondra ny fampandrosoana lovain-jafy hoy ny Madagascar 3 M tarihin-dRavoahangy Faly mpitandrina. Ny Kristiana mantsy hoy hatrany izy no tokony hitondra fiovana eto amin'ny firenena sy hanova ny fiaraha-monina misy azy. Nisy ny tafa nokarakarain'izy ireo tamin'ny mpanao gazety omaly ka nivoitra nandritra izany fa hanam-bahiny ny Madagascar 3 M ny 10 ka hatramin'ny 13 Jona ho avy izao. Ho avy eto Madagascar ny talen'ny Union School of Théologie avy any Royaume Uni. Ankoatra ny fampandrosoana ny asan'Andriamanitra dia hisy ny kaonferansa telo sosona izay hotanterahin'izy ireo. Kaonferansa natokana ho an'ireo mpandraharaha Kristiana no hisantarana izany ny 11 Jona ho avy izao izay tsy mivoana amin'ny fampandrosoana an'i Madagasikara sy ny fitoriana ny filazantsara. Ho an'ny mpitandrina rehetra kosa indray ilay kaonferansa faharoa ao anatin'ilay loha-hevitra hoe : Fahano ny ondriko ka olona maherin'ny 4.000 isa no andrasana ho avy amin'izany. Fahatelo sady farany dia ny fanofanana ireo mpitarika eto Antananarivo renivohitra sy ny manodidina arahin'ny famoahana ireo mpianatra nivoaka tao amin'ny Union School of Théologie.
Pati
Légende : Ravoahangy Faly, tompon'andraikitra voalohany ao amin'ny Madagascar 3 M !