Famokarana zana-trondro ao Vakinankaratra

20.000 isa eo isan-taona no vitan’ny fianakaviana iray

Actualités
Alatsinainy 03 Martsa 2025

Miditra amin'ny andiany faharoa amin'ny fandrotsahana zana-trondro anaty farihy taona 2025 ny ao

Vakinankaratra ankehitriny, raha ny mikasika ny fianaraha-miasa eo amin'ny mpanjono sy ny mpiompy trondro no resahina, hoy ny fampitam-baovaon’ny sampan’ny minisiteran’ny jono sy ny toekarena manga ao an-toerana. Isan'ny nanaovan'ny koperativa FIFIMPAVA fifanaraham-piaraha-miasa amin'ny alalan'ny tetikasa Fanainga+ ny mpiompy trondro iray ao amin’ny fokontany Ambony Atsimo, kaominina ambanivohitra Ambohibary Sambaina, distrika Antsirabe II, faritra Vakinankaratra, ka nidina nanao ny fandrindrana izany ny Fitaleavam-paritry ny jono sy ny toekarena manga Vakinankaratra. Mahavokatra zana-trondro manodidina ny 20.000 isa isan-taona ny fianakaviana iray ary mitentina hatrany amin'ny 3 Taonina isan-taona ny trondro matavy vokariny. Efa 20 taona no nanaovan'izy ireo izao asa izao ary hitany fa tena mahavelona. Zana-trondro karpa miisa 9000 kosa no novidin'ireto mpanjono ireto teto ka haparitaka manerana ny farihy miisa 4 ato anaty faritra Vakinankaratra, hoy hatrany ny fampitam-baovao voaray.
Nangonin’i J. Mirija