Actualités

Fambolena voninkazo Mikajy ny tontolo iainana

Actualités
Alakamisy 24 Aogositra 2017

Nosokafana omaly tetsy amin’ny minisiteran’ny kolontsaina sy ny zavakanto ary ny taozavatra etsy Ampefiloha ny fankalazana ny faha-10 taonan’ny fikambanan’ireo mpitia sy mpandraharaha eo amin’ny sehatry ny voninkazo na ny Ceinture verte.

Efa mahatratra an-jatony izy ireo, raha ny fanazavana, ary maherin’ny 2.000 ireo karazam-boly amidy sy aranty eny an-toerana hatramin’ny sabotsy izao. Hampianatra ny rehetra hamboly mba hiarovana ny tontolo iainana no tanjona lehibe indrindra apetraka ary afaka mitondra ny anjara biriky ny voninkazo. Ankoatra ny fihenam-bidy toy ny mahazatra dia hisy ihany koa ny fotoana manokana hampianarana ireo izay liana.

J. Mirija