FAMBOLENA SY FIOMPIANA

Mila vola sy herinaratra hahafahana mampiodina azy

Actualités
Alakamisy 21 Aogositra 2025

Mila herinaratra sy hazavana ny sehatry ny fambolena sy ny fiompiana

eny anivon'ny tontolo ambanivohitra . Lohalaharana amin'izany ny ady amin'ny tsy fandriampahalemana. Tsy afaka manome rano ho an'ny biby fiompy sy ny sakafo tokony hohaniny koa ohatra ireo mpiompy amin'ny alina raha vao tratran'ny delestazy na koa any amin'ny toerana tsy misy herinaratra. Izany indrindra no antom-pisian'ny trano evan'ny orinasam-pifandraisana Yas eny amin'ny efitrano fandraisana fivoriana iraisam-pirenena eny Ivato mandritra ny foara iraisam-pirenena momba ny fambolena karakarain'ny Madavision. Amin'ny alalan'ilay tetikasa Mbaliaka izay hampahafantatra ireo karazana fitaovana hahazoana hazavana sy herinaratra no hahatongavany eny an-toerana raha araka ny fanazavan'Atoa Harinjato tamin'ny mpanao gazety omaly. Toraka izany koa ilay Yas business izay hanohana sy hikolokolo manokana ireo mpandraharaha. Tsy afaka manao ny asa fihariany ihany koa mantsy izy ireny raha tsy misy tohana ara-bola. Tanjon'izy ireo ny hanala fahasahiranana ireo tantsaha mpamokatra sy ireo mpandraharaha amin'ny sokajiny avy misy eto amintsika.
Pati
Légende : Atoa Harinjato, tompon'andraikitra eo anivon'ny Yas !