Actualités

FAMATSIANA HERINARATRA Nahatonga solika 42.000 litatra ho an�Ambositra ny Jirama

Actualités
Alarobia 17 Septambra 2014

Nanomboka nandeha tsy tapaka ny herinaratra tao Ambositra omaly talata 16 septambra 2014 vokatry ny fahatongavan�ny solika avy aty Antananarivo. Voafetra ihany anefa io solika tonga io satria 42 000 litatra monja ka ato anatin�ny herinandro dia mety hiverina indray ny delestazy raha tsy misy solika vaovao tonga amin�ny alatsinainy 22 septambra ho avy izao.

Tsiahivina fa vokatry ny fitsitsian’ny mpitantana ny jirama ao Ambositra ny solika no nahatonga ny delestazy isaky ny amin’ny 4 ora hatramin’ny 9 ora maraina teo aloha. Mbola miandry vahaolana maharitra mikasika ny famatsiana herinaratra tsy tapaka ny vahoakan’Ambositra satria manelingelina ny asa andavanandro sy ny fivelomana ny delestazy.