Actualités

Partagé sur :
• facebook

“Transformateur” manana tanjaka 160Kva iray no nirefotra tao Mangarano II ny alarobia lasa teo ka telo andro sy roa alina tsy mahazo herinaratra ny mpanjifan’ny jirama maro be hatrany Tsarakofafa.

 Taorian’ny fangatahana fitaovana nataon’ny talen’ny jirama Toamasina Veloson Leonard tany amin’ny foibe, dia ny zoma teo no tonga ny “Transformateur” vaovao manana tanjaka 250Kva. Ny zoma io ihany dia efa napetraka, ny tolakandro ihany dia efa niverina ny herinaratra tao Mangarano II sy Tsarakofafa tapaka. Raha ny halatra taribin’ny Jirama kosa dia ny tambajotra Volobe Toamasina II mandalo ao Tanandava hatreo Toamasina renivohitra no mazàna tena hitrangany. Taorian’ilay 400 m nisy nangalatra efa nosoloin’ny jirama farany teo, dia mbola nitrangana halatra ihany koa ilay tambajotra ny zoma nifoha ny sabotsy teo tokony ho tamin’ny 1 ora sy sasany maraina. Nandritra ny fidinana ifotony nataon’ny FIP dia azon’izy ireo ny tariby efa voatapataka mirefy manodidina ny 400m eo ihany koa, mbola tratra koa ireo fitaovana nampiasain’ireo mpangalatra, saingy nandritra ny fifanenjehana tamin’ireo andian-jiolahy tany anaty ala sy tao anatin’ny haizina dia tsy tratra ireto andian-jiolahy ireto na efa nanapoaka basy aza ny FIP. Mbola miantso fiaraha-miasa amin’ny andrimasom-pokonolona sy ny fokontany hatrany ny Jirama hisorohana sy hanoro izao halatra herinaratra sy halatra tariby izao ho tombontsoan’ny rehetra.

Rakoutou

Tia Tanindrazana

Samia mijoro ho an'i Gasikara.