Famatsian-drano eto an-drenivohitra

Mihatsara saingy tsy mbola mivaha 100%

Actualités
Alarobia 20 Mey 2026

Misy fihatsaràny ny famatsian-drano

amin'ny toerana maromaro eto an-drenivohitra, taorian'ny fitomboan'ny vokatra 20 000m3 isan'andro, avy amin'ilay toeram-panadiovana rano vaovao ao Mandroseza, izay notokanana ny Zoma lasa teo. Toerana maro, isan'ireo tena nisedra olana tamin'ny fisitrahana rano teo aloha no efa misitraka izany amin'izao fotoana izao. Tsy vitsy ireo manao ranty mijoro vavolombelona fa niverina misitraka rano indray rehefa tsy niaina izany aman-taonany. Mbola tsy mivaha 100% ny olana nohon'ny fahanteran'ireo fantsona sy fotodrafitr'asa mpitsinjara rano ary ny mbola tsy fahafenoin'ny vokatra tsinjaraina, raha oharina amin'ny filàn'ny mpanjifa. Manohy hatrany ny ezaka amin'ny fanatsarana ny famatsian-drano eto Antananarivo sy ny manodidina, izay niarahan'ny orinasa Jirama sy ny fitondram-panjakana malagasy tamin'ny Banky Iraisam-pirenena amin'ny alalan'ny tetik'asa fanatsarana ny fampisitrahana rano fisotro madio na PAAEP.
Nangonin'i Jean D.
Mbol olana ny fahanteran'ireo fantsona sy fotodrafitr'asa mpitsinjara rano