Actualités

Fahitalavitra TVM Nahazo “studio” manara-penitra

Actualités
Sabotsy 16 Mey 2020

Nanokatra “studio” vaovao manaraka ny fenitra ho an’ny fahitalavi-panjakana ny Minisiteran’ny serasera sy ny kolontsaina tarihin-dRamatoa Lalatiana Rakotondrazafy, izay nampahafantarina omaly.

Entina handraisana ny fandaharana misy adi-hevitra ity toerana vaovao ity. Io no “studio” fahatelo arifomba natsangana tato anatin'ny herintaona taorinan'ny studio filazana vaovao sy ilay studio 500m² misy “plateau” 5 fandraisana ny fandaharana maraina, raha ny fanazavana. Ankoatra izay dia nisantatra ny “ascenseur” vaovao ihany koa Ramatoa Minisitra rehefa tsy nisy izany nandritra ny taona maro tao amin'ny tranoben'ny ORTM. Harifomba izany ny fitaovana izay tena zava-dehibe, fa ny andraindrain’ny maro dia hisokatra amin’ny ankolafy rehetra amin’ny maha haino aman-jerim-pirenena ny TVM, fa tsy natokana ho an’ny fanjakana ihany satria mila zavatra marolafy ny vahoaka.

Toky R