FAHALOTOAN’NY RIVOTRA ETO ANTANANARIVO

Tafakatra avo 4 heny amin’ny teo aloha

Actualités
Alarobia 13 Novambra 2024

Tafakatra avo 4 heny amin’ny teo aloha araka ny fetra namaritan’ny Sampandraharaha iraisam-pirenena

momba ny Fahasalamana na ny OMS ny fahalotoan’ny rivotra eto Antananarivo renivohitra. Mbola ho hita taratra mandritra ny 3 andro ho avy izany, raha araka ny vaovao azo teo anivon’ny sampana mpamantatra ny toetr’andro etsy Ampandrianomby, antony mbola mampihantona tanteraka ny ranon’orana eto amintsika. Hiteraka olana ara-pahasalamana ho an’ireo voasokajy efa marefo sy ireo manana olana amin’ny taovam-pisefoana io fahalotoan’ny rivotra io raha araka ny fanazavan’ny mpitsabo. Mety hankarary mihitsy aza izany ka tokony samy hitandrina ny tsirairay. Tafiditra ao anatin’izany ny fanaovana satroka rehefa hivoaka ny trano, ny fisotroana rano 1 litatra sy tapany isan’andro isan’olona izay tsy mangatsiakabe na dia mafana aza ny andro, ny fihinanana sakafo ara-pahasalamana ary ny fanaovana fitafiana mifanaraka amin’ny toetry ny andro.
Pati