Faha-88 taona nahaterahan’i Didier Ratsiraka

Partagé sur :
• facebook

Notsarovana tamin’ny alalan’ny fanaterana fahaezam-bonikazo izay nataon’ny

fianakavina sy ireo namana ary mpitarika ny antoko Arema omaly 04 novambra teny amin’ny Fasan’ny mahery Fo teny Mausolée ny faha-88 taona nahaterahan’ny Amiraly didier Ratsiraka. Tsy ho adino ary tsy ho afaka ao am-pon’ny malagasy izany Didier Ratsiraka izany raha ny zava-bitany hoan’ny firenena Malagasy, hoy ny sekretera Nasionalin’ny antoko Arema Rtoa Annick Ratsiraka. Tonga nanotrona sy nanome vononahitra io fotoam-pahatsiarovana io ihany koa ny solotena avy amin’ny ministeran’ny Foloalindahy Malagasy, ny solotena avy amin’ny mpikatroka sy ireo ratsamangaikan’ny Arema rehetra ary ny mpitsoka mozikan’ny governemanta. Naneho hatrany moa ny Sekretera nasionalin’ny Arema fa nitsinjo ny taranaka ho avy ny filoha Didier Ratsiraka nandiritra ny fotoana nitondrany ny firenena, ka nilazany fa fotodrafitrasa nataony no mbola ampiasain’ny vahaoaka hatramin’izao, raha tsy hiresaka afatsy ny famatsina rano sy herinaratra fotsiny. Raha ny Toby famokarana herinaratra ao Andekaleka ohatra dia natsangana hamatsiana an’Antananarivo izy io ary mbola ampy tsara ny vokatra avy aminy raha tsara ny fitantanana sy ny fikojakojana, hoy ny fanamarihana. Fanaterana fehezam-bonikazo ihany moa ity natao omaly ity fa ny sabotsy 09 novambra izao no ivon’ny fahatsiarovana ka eny Ambavahaditokana Itaosy no hanaovana ny fanapahana ny mofo mamy ho fahatsiarovana izany Ray Aman-drenin’ny malagasy izany, hoy ny mpitarika ny Arema.
Pati

Tia Tanindrazana

Samia mijoro ho an'i Gasikara.