Actualités

Eric Celerier Efa nanao faminaniana ho an'i Madagasikara ihany koa

Actualités
Zoma 08 Mey 2020

Ankoatry ny resaka faminaniana ramatoa Brezilianina dia efa nisy karazana faminaniana ihany koa nitranga tetsy amin’ny Arena Ivandry, raha tsiahivina, ny 25 Aprily teo.

Misionera frantsay, Eric Celerier, avy amin’ny rafitra Kristianina iraisam-pirenena, Top Chretien, no nilaza ampahibemaso tamin’ireo olona nasaina nanatrika izany. Isan’ny nanatrika azy io moa ny filoham-pirenena mivady. “Mila miray hina ianareo…Mino ny nofinofin’Andriamanitra ho an’i Madagasikara aho. Ankehitriny, ry Madagasikara, minoa anareo tahaka ny hinoan’Andriamanitra anareo. Manana fahaiza-manao ianareo…Ny fanahin’Andriamanitra hitondra fiadanana,fitiavana,fampihavanana, fahaiza-mitsara, fifaliana.’’ Ampahany tamin’ny fehezanteny tao anatin’ny famelabelarany moa io ary nialohavan’ny teny hoe ho avy ny andro hamiratan’ity firenena ity ka i Madagasikara dia toy ny vatosoa hisy haka ao ambanin’ny tany sy hanajary ho tonga hamirapiratra. Isan’ny mahatonga ny filoham-pirenena ho toy ny matoky tena loatra ankehitriny amin’izay fanapahan-keviny rehetra ankehitriny ve ireo trangana faminaniana niseho nifanesy ireo ? Tsy nohadinoin’ity lehilahy nandalo ity anefa no nilaza tamin’izany fa ny finoana dia mila fieritreretana mialohan’ny handraisana fanapahan-kevitra.

J. Mirija