Actualités

Doro tanety Hihamafy ny sazy

Actualités
Alakamisy 12 Novambra 2020

Tsy azo andeferana ny fahasimbana toy izao satria ny doro tanety dia voasokajy ho heloka bevava ka sazy henjana no miandry izay tratra manao izany. Izany no tapaka nandritra ny filankevitry ny minisitra omaly.

Miha-mahazo vahana ny doro-tanety ka hisy ny fampiharana ny sazy ho mafy kokoa ho an’ireo izay manao izany ary hisy ny lamina vaovao hampiharina manomboka ny herinandro ho avy io mikasika ny fandoroan-tanety izay manempotra ny rehetra ary manimba ny tontolo iainana. Ilaina ny fandraisana andraikitra hentitra sy haingana avy amin’ny ministera miahy ny tontolo iainana. Marihana fa hisy akony amin’ny fanjifana arina fandrehitra, hazo,kitay izany fepetra noraisina hiadiana amin’ny baranahiny amin’ny fitrandrahana ala izany. Manoloana ny fahasimban’ny tontolo iainana izay mitarika hatrany amin’ny olana maro amin’ny fiainana andavanandro, dia entanina ny tsirairay tsy hatahotra hitoroka ireo izay manimba ny ala sy ireo zava-boahary arovana. Marigny A.