Actualités

Dokotera mpandidy taolana Tsy manana afa-tsy 20 isika

Actualités
Zoma 25 Jolay 2014

Tsy manana dokotera mpandidy taolana afa-tsy 20 isa isika eto Madagasikara mivondrona ao anatin�ny SOMCOT na ny Soci�te Malgaches de Chirurgie orthop�dique et traumatologie miaraka amin�ireo dokotera hafa miisa 30

Tsy ampy be dia be io salan’isa io raha araka ny fanazavan’ny profesora Solofomanana Gaetan, manampahaizana manokana momba ny taolana, ny hozatra ary ny rantsam-batana. Tokony hanana dokotera manampahaizana mikasika izany avokoa mantsy ireo hopitalim-panjakana rehetra manerana ny Nosy na dia maromaro aza ny hopitaly ao anatin’ny faritra iray, hoy izy. Betsaka ireo karazana tranga fahatapahan’ny taolana tokony horaisin’ny dokotera an-tanana nefa entin’ny olona any amin’ireo mpitsabo izay milaza ho mahasitrana nefa tsy mahafehy ilay asa akory. Manatanteraka ny kongresiny fahenina etsy amin’ny hotel Colbert Antaninarenina ny SOMCOT nanomboka omaly hifarana anio zoma 25 Jolay. Tanjona ny hampahafantarana ny olona ny fisian’ny SOMCOT sy ny fitsaboana hataony mba ho tombontsoan’ny rehetra. Nomarihin’ity profesora ity moa fa tsy lafo be araka ny resaka mandeha izany ny fandidiana taolana fa miankina amin’ilay olona marary sy ny taolana tapaka aminy. 18 taona aorian’ny fahazoana ny mari-pahaizana bakalorea vao ahazoana « agreement » ny fianarana ho dokotera mpandidy tahaka izany.