DISADISAN’NY MPIVADY

Zazavavy kely 3 taona may kilan’ny afo

Actualités
Alakamisy 13 Jona 2024

Zazavavy kely vao 3 taonja monja no fantatra fa namoy ny ainy vokatry

ny haintrano nitranga tao Ambodimadiro, Fokontany Anosikely Avaratra, kaominina ambonivohitr’i Maevatanana. Ny alin’ny 10 Jona hifoha 11 Jona lasa teo no nitrangan’izany taorian’ny fifamalian’ireo Ray aman-dReniny niteraka azy, tokony ho tamin’ny 10 ora alina. Raha ny fantatra dia efa tsy tao an-trano ilay Raim-pianakaviana nandritra ny fotoana nisehoan’ny firehetana. Mianadahy kosa ireo zaza no tavela tao an-trano ka tafavoaka teny am-baravarankely ilay zokiny lahy 9 taona raha namoy ny ainy ilay zandriny. Tokony ho tamin’ny 11 ora sy fahefany alina moa vao voafehy ny afo raha efa lasa lavenona kosa ilay zaza. Ireo fokonolona sy ny mpitandro ny filaminana no nandray an-tanana izany. Misokatra ny fanadihadiana mikasika ity haintrano namoizana ain’olona ity.
Pati
Legende : Tahaka izao ny fahorian’ilay Raim-pianakaviana niatrika ilay menaky ny ainy efa lasa lavenona !