Actualités

Delestazy any Ambatondrazaka Hiteraka fipoahana ara-tsosialy

Actualités
Alakamisy 28 Aogositra 2014

Manomboka midangana ny vidim-piainana any Ambatondrazaka vokatr�ilay fahatapahan-jiro any an-toerana. Isan-kariva vao mandeha ny jiro ary noferana ho adiny efatra ihany no hahafahan�ny milina mpitoto vary miasa

Niakatra sahady vokatr’izany ny vidin’ny vary fotsy. Voahelingelin’io delestazy io ny fihariana amin’ny ankapobeny. Betsaka ny miloa-bava fa tamin’ny andron’ny tetezamita izay malaza ho tsy ara-dalàna aza nisy hatrany ny famatsiana herinaratra, ankehitriny efa filoha ambara fa ankatoavin’izao tontolo izao dia indrisy fa vao miha mijaly ny vahoaka. Ny fitondram-panjakana indray ity no mihantsy ny vahoaka hitroatra, hoy ny olona. Ny krizy politika tsy mbola voavaha, misosoka indray ity ny krizy ara-tsosialy. Raha tsy mahita vahaolana haingana mahakasika an’io ny fitondram-panjakana dia hiteraka fipoahana ara-tsosialy io delestazy lavareny any Ambatondrazaka io.