DELESTAZIN’ITAOSY SY FENOARIVO

Tsy hananana faran’ny herinandro milamina intsony

Actualités
Alatsinainy 13 Mey 2024

Tsy manana faran’ny herinandro milamina intsony ny mponin’Itaosy sy Fenoarivo,

samy ao anatin’ny distrikan’Atsimondrano vokatry ny delestazy lavareny. Tena nahasorena ny maro mihitsy izany nanomboka ny Sabotsy teo. Teny Itaosy no nisantatra azy izay tapaka nanomboka tamin’ny 11 ora atoandro ary tsy niverina raha tsy tamin’ny 07 ora hariva. Nitohy teny Fenoarivo indray izany nanomboka tamin’ny 08 ora alina ary tsy niverina raha tsy tamin’ny 03 ora maraina Ny tsy fandriampahalemana anefa eo an-daniny tsy lazaina intsony. Maneno tsy hifandrenesana mandritra ny ora maromaro ny alika. Misy ny miantso vonjeo ankoatra ireo miteny ratsy sy mitabataba izay tsy voavinavina intsony na mpangalatra tratra na olona mifamono….Mamofompofona ny hitokona indray ny mponin’Itaosy sy Fenoarivo noho izany. Efa tena mihoatra ny fefy loatra mantsy ny hataon’ny JIRAMA izay tsy maintsy hamoronana 1.200 Ar isan’andro raha kely hividianana labozia ho an’ny efitrano miisa 2.
Pati
Legende : Efa vidiana 600 Ar koa amin’izao ny labozia kely dia kely tahaka izao !