CSB II AMBATOFITORAHANA

Tovovavy kely 16 taona teraka kamban-telo

Actualités
Alarobia 03 Jolay 2024

Tovovavy kely tokony ho 16 taona monina ao amin'ny Fokontanin’Antanandava no teraka zaza kambana 3

mianadahy tao amin'ny CSB II Ambatofitorahana. Milanja eo amin'ny 2kg500 ny iray, raha 2kg kosa ny roa. Marihina fa tsy nisy ny fahasarotana teo am-piterahana ary salama tsara daholo izy 4 mianaka. Afak’omaly Alatsinainy fiandohan’ny volana Jolay tokony ho tamin’ny 7 ora hariva no teraka ny zaza lahy iray raha tamin'ny 6 ora maraina teo kosa ny 2 mianadahy. Nidina avy hatrany tany an-toerana moa ny Governoran'ny Faritra Amoron'i Mania Rakotomandimby Désiré sy ireo mpiara-miasa aminy nitondra fanampiana hividianana ronono hanampiana ny sakafon'ireto zaza ireto. Sambany teo amin'ny tantaran'Ambatofitorahana hoy ny ben'ny Tanana ao an-toerana no nisy tranga tahaka izao. Mirary soa ho azy 4 mianaka kely hanana ny fahasalama hatrany.
Pati
Legende : Ireto izy efa-mianaka kely !