COPH

Atsaharo ny fanilihana ireo

Actualités
Talata 07 Jolay 2026

manana fahasembanana !

Tsy tokony hahilika intsony ireo olona manana fahasembanana eny anivon'ny fiaraha-monina hoy ny COPH na ny Collectif des organisations des personnes handicapées. Manan-jo tahaka ny olombelona rehetra izy ireny hoy izy ireo toy ny zo hisitraka fahasalamana, asa, foto-drafitrasa mifanaraka amin'ny toe-batany, ny fanabeazana sahaza azy.... Izany indrindra mantsy no antom-pisian'ilay tetikasa Voizo Analamanga niarahan'izy ireo tamin'ny CBM Global Madagascar. Niparitaka teny anivon'ireo kaominina miisa 12 io tetikasa io teto Analamanga nanofana sy nampianatra ireo tompon'andraikitra eny ifotony sy ny mpiara-belona mba hahay hanaja ny zon'ireo olona manana fahasembanana fa tsy sanatria hanilika azy ireny. Naharitra 2 taona ity tetikasa ity. Tanjona ny hampaleo tena ireo olona manana fahasembanana amin'ny lafiny rehetra. Nisy ihany koa ny fanentanana natao tamin'ireo sampandraharaha eo anivon'ny kaominina mba ho afaka handray ireo olona manana fahasembanana izy ireo, indrindra fa ny lafiny arak'asa. Manodidina ny 30% eo ho eo ireo olona manana fahasembanana eto amintsika.
Pati
Légende : Mananjo tahaka ny olombelona rehetra ny olona manana fahasembanana .