CIAD 2025,

DISTRIKAN'ATSIMONDRANO

Actualités
Talata 09 Desambra 2025

Nahazo lampadaire mazavabe ireo Kaominîna 26 isa

Nivoaka ny CIAD taona 2025 ho an'ny distrikan'Atsimondrano na ny Crédit d'investissement destiné a l'appui au développement. Jiro lampadaire mazava be no natolotry ny solombavambahoaka Raharimanarivo Voahangy ho an'ireo kaominina miisa 26 ao anatin'ny Distrika nahalany azy. Tonga nanolotra izany tao amin'ny kaominina ambanivohitr' Ambohidrapeto ny lehiben'ny distrika vaovaon'Atsimondrano Ratiarison Rostand Patrick, notronin'ny solombavambahoaka. Nivoitra nandritra izany fa anisan'ny tena olan'ireo mponina ao Atsimondrano ny resaka jiro hanazavana ny tanana. Mbola betsaka mantsy ireo tsy mañana izany, indrindra fa ny eny anivon'ny Fokontany ka mampahazo vahana ny tsy fandriampahalemana. Raha tsiahivina moa ny CIAD dia vola hapetraka eo am-pelatanan'ny solombavambahoaka hanavaozana na hananganana foto-drafitrasa ao anatin'ny distrika nahalany azy. Ny solombavambahoaka no manapaka ny foto-drafitrasa hatao raha tolo-kevitra no azon'ny Ben'ny tanana na ny Fokontany hatao. Mitentina 250 tapitrisa Ar isan-taona izy io.
Pati
Légende : Nandritra ny fanolorana ireo lampadaire omaly teny Atsimondrano !