Actualités

CHU Ambohimiandra Notoloran'ny minisiteran'ny mponina fanampiana ireo ankizy tsaboina ao

Actualités
Alarobia 25 Jona 2014

Ankizy 18 isa manaraka fitsaboana ao amin'ny hopitaly CHU Ambohimiandra no indray notoloran'ny minisiteran'ny mponina sy ny asa sosialy fanampiana toy ny kilalao, vary, rononomandry amin'ny boaty, tsiasisa ...

omaly maraina. Noho ny fahatongavan'ny fetin'ny Asaramanitra no nambaran-dRamatoa minisitra Johasy Eleonore fa anton'izany izay tsy nijanona ho an'ity hopitaly iray ity irery ihany. Afak’omaly talata no efa nanomboka ny hetsika, araka ny fanazavany ihany. Tao amin'ny service pédiatrie Befelatanana no nisantaran'izy ireo izany, nitohy tao amin'ny hopitalin'ny zaza ao Tsaralalana. Nanotrona ity minisitra ity nandritra izany ireo vadina minisitra maro ao anatin'ny governemanta ka ny andron'ny omaly, ohatra, dia ny vadin'ny minisitry ny fizahantany no niara-dalana taminy. Mbola nitohy tao amin'ny hopitaly HJRA moa ny hetsika omaly hariva, nandalo tany amin'ny toerana misy ireo olona manana fahasembanana etsy Behoririka ... Tsara ny manamarika fa anisan'ny nahafaly ny minisitra manokana ny fahadiovana sy ny filaminana misy ao amin'ny CHU Ambohimiandra.