CHRD SAKARAHA

Renim-pianakaviana teraka kamban-telo

Actualités
Zoma 23 Febroary 2024

Renim-pianakaviana iray no teraka kambana telo mirahalahy omaly Alakamisy 22 Febroary

tao amin’ny hopitaly CHRD Sakaraha. Tombanana eo amin’ny 30 taona mahery eo ho eo ity Renim-pianakaviana ity raha zaza faharoa kosa izy 3 mirahalahy ireo hoy ny vaovao. Tonga namangy sy nanome rom-patsa ho azy, ireo solotem-panjakana izay nanokatra tamim-pomba ofisialy ny fizahana maimaim-poana tao amin’ity hopitaly ity. Raha araka ny fantatra mantsy dia betsaka ireo olona tsy manana fahafahana ny hitsabo tena na dia ny fividianana fanafody faran’izay mora aza antony nanaovana izao hetsika fizahana maimaim-poana izao. Tsy hanavahana sokajin-taona izany ary horaisina an-tanana avokoa ny aretina rehetra. Haharitra andro vitsivitsy ny hetsika.
Pati
Legende : Ireto ilay zaza kamban-telo teraka omaly tao amin’ny CHRD Sakaraha !