Chan 2025

Namoy ny reniny i Antonio

Actualités
Alatsinainy 01 Septambra 2025

Namoy ny reniny ny zoma teo ny irakiraka havian'ny ekipam-pirenena malagasy

na Barean'i Madagasikara, Antonio. Mbola niatrika iny famaranan'ny tompondakan'i Afrika na Chan 2025 ny sabotsy teo, tany Nairobi, Kenya, iny moa izy ka vita mihitsy izany lalao famaranana izany vao nampahafantarina azy ity vaovao ratsy ity, hoy ny fampitam-baovao voaray. Mafy tamin'ny mpilalao rehetra ny faharesena nanoloana an'i Maroc fa nangidy lavitra, araka izany, ny nanjo ity hoavin'ny baolina kitra malagasy ity. Tantely amam-bahona tokoa ny fiainana, hoy ny fitenenana, ka dia nankahery ireo Barea rehetra, araka izany, fa indrindra, nankahery manokana ity isan'ny sokajiana ho mahery fon'ny firenena ity noho izao andro maloka lalovany izao ireo malagasy sy mpanohana ny ekipam-pirenena marobe tamin'iny sabotsy iny.
J. Mirija