Actualités

Cash point Airtel voatafika Lasa ny vola 4 tapitrisa ariary

Actualités
Alatsinainy 22 Jona 2015

Niverina nahazo laka indray tato ho ato fanafihana mitam-basy ao Toliara. Ny zoma tolakandro teo, tokony ho tamin�ny 4 ora, jiolahy efatra tsy nisaron-tava nitondra basy nanafika � cash point Airtel �

iray tao amin’ny fokontany Betania Ankilifaly. Lasa tamin’izany ny lelavola 4 tapitrisa ariary niampy finday avo lenta efatra. Rehefa nivoaka ny toeram-pivarotana notafihany ireo jiolahy dia nanampoaka basy nampihorohoroana ny teo amin’ny manodidina alohan’ny nandosiran’izy ireo.

Mpivaro-kena sendra nandalo voatifitra

Tovolahy mpivaro-kena sendra nandalo voatifitra teo amin’ny tanany, ramatoa iray torana, hoy ireo nanatri-maso. Raha ny loharanom-baovao akaiky ny mpitandro filaminana dia mbola karohina ireo jiolahy hatramin’izao. Lasibatra tato ho ato ireo toerana fandefasana sy fakana vola miara-miasa amin’ny Airtel ao Toliara. Dimy no efa voaroba, lasa ny volabe sy entana lafo vidy, ary tsy maintsy misy ra latsaka foana isaky ny manafika ireo jiolahy.

Eric R.