Biby arovana

Sokatra miisa 152 tratra teny amin'ny 67ha

Actualités
Alarobia 01 Aprily 2026

Tra-tehaka tao an-tokatranon’olona

iray teny amin’ny faritry ny 67 ha ny alin’ny 30 martsa teo, ny sokatra Astrochelys miisa 152 izay natao tao anaty valizy miisa 2. Vokatry ny loharanom-baovao voaray avy amin’olona tsara sitrapo sy ny fiaraha-miasa teo amin’ny polisim-pireneza avy ao amin’ny avy aoamin’ny kaomisaria boriborintany faha-7 67ha ary ny Sampan-draharaha miady amin’ny kolikoly eto anivon’ny Minisitera no nahatrarana ireto biby arovana ireto. Mbola karohina kosa ny tomponantoka sy izay mpiara-miombon’antoka tamin’izao fitrandrahana an-tsokosoko izao. Henjana ary tsy misy indra fo ny sazy miandry ireo mpitrandraka an-tsokosoko harena voajanahary. Miara-mientana ao anatin’izany ady izany ny eo anivon’ny Minisiteran’ny Fitsarana TPI PAC amin’ny fanomezana sazy hentitra ireo izay tratra.
Jean D.

Fanisana ireo sokatra tratra teny amin'ny 67ha