Ben’ny tanànan’i Ranotsara avaratra

Naiditra am-ponja vonjimaika

Actualités
Talata 12 Aogositra 2025

Naiditra am-ponja vonjimaika ny ben’ny tanànan’i Ranotsara avaratra, Manambelo Dolphe,

raha ny fampitàm-baovao voaray omaly. Ny ranty nataony tao amin’ny tambazotran-tserasera Facebook, izay niampangàny fa nisy kamiao miisa 2 sy fiara fitaterana iray nitondra vato «corindon» tsy ara-dalàna hiakatra ao Ihosy no voalaza ho anton’ity fanenjehana azy ity. Nampangain’ny depioten’Iakora ho nanao fanalàm-baraka sy nanao fanambaràna tsy marina momba ny fitrandrahana tany Betsipoy izy, noho izany. Niafara tamin’izao fampidirana am-ponja vonjimaika izao ny raharaha, raha ny fampitàm-baovao voaray avy any an-toerana hatreto aloha.
Nangonin’i J. Mirija