Ben’ny tanàna manerana ny Nosy

Miantso ny hampitsaharana

Actualités
Alakamisy 13 Novambra 2025

ny antsojay sy fanenjehana

Lany ho Filohan'ny fikambanan'ny Ben'ny tanana manerana ny Nosy ny Ben'ny tananan'ny kaominîna Ampitatafika, distrikan'Atsimondrano Rado Ramparaoelina. Omaly Alarobia 12 Novambra no notanterahina tetsy amin'ny gymnase Mahamasina ny fifidianana nandritra ny fihaonamben'ireo Ben'ny tanana mihaotra ny 1600 isa. Nofidiana tamin'io omaly io ihany ireo mpikambana ao anatin'ny birao maharitra. Tao anatin'ny hafaliana tanteraka no nandraisan'ity Ben'ny tanana ity izany andraikitra makadiry natolotra azy izany. Amin'ny ankapobeny dia tsy mivoana amin'ny resaka fampandrosoana ny kaominîna ny asa hotanterahiny toy ny fanomezana fiofanana ny Ben'ny tanana sy ny fikatsahana izay mahasoa. Fa ankaotra io dia nanao fanambarana niaraka ny fikambanana ho tombotsoan'ireo Ben'ny tanana rehetra . Hangatahin'ny tsirairay ny hihaona mivantana amin'ny Filoham-panjakana ny kolonely Rakotonirina Mickaël. Toraka izany koa ny hampitsaharana ny antsojay sy ny fanenjehana azy ireo, indrindra fa ny famoronana dosie. Avelao ny Ben'ny tanana hiasa malalaka hoy izy ireo ary hatsaharo ny fanalana ireo olom-boafidy amin'ny toerany.
Pati
Legende : Tao anatin'ny tsiky tanteraka no nandraisan-dRafo Ramparaoelina ny andraikiny !