Ben'ny tanàna ao Ambato

"Mila hamafisina ny

Actualités
Alatsinainy 10 Novambra 2025

fandriampahalemana any ambanivohitra"

Mila hamafisina ny fandriampahalemana any Ambanivohitra, hoy ny ben'ny tanànan'ny kaominina Ambato, distrikan'Ambohidratrimo, Sarobidy Rakotondravao, satria efa hitantsika tsara ny zava-nitranga tamin’ny taona 2009 taorian’ny fanonganam-panjakana, fotoana nanararaotan’ireo dahalo sy niteraka fijalian’ny tantsaha maro, hoy izy! Anisan’ny loza mafy indrindra ny halatr’omby, izay tena mahavoa ny tantsaha. Raha tsy misy omby dia tsy vita ny fambolena, satria omby no hery manosika ny fiainan’ny tantsaha sy ny fampandrosoana eny ambanivohitra. Amin’izao fotoana izao dia ilaina ny fifantohana sy fiaraha-mientana, satria raha variana loatra any an-tanàn-dehibe isika ka tsy mijery ny zava-misy eny Ambanivohitra dia io no fahafahan’ny fahavalom-pirenena manararaotra sy manimba ny fiainam-bahoaka. Noho izany dia manao antsoavo aho ho an’ny tomponandraikitra rehetra mba hamafisina ny fandriampahalemana sy ny fiarovana any ambanivohitra, mba hahafahan’ireo tantsaha miasa, miary ary miaina am-pilaminana. Tsy tiana intsony ny hiverenan’ny korontana sy ny tsy fandriampahalemana izay nandrava fiainam-pianakaviana maro sy nampahoriana ny mpiara-belona. Manantena isika fa eo ambany fitantanan’ny miaramila dia ho voafehy tsara ny lafiny fandriampahalemana mba hanana Ambanivohitra milamina, mivoatra, ary mandroso, hoy hatrany ity ben'ny tanana ity.
Nangonin'i J. Mirija