BATMAN » MPIFOKA RONGONY AO ALAKAMISY

Nosamborina sy naterina eny Anjanamasina

Actualités
Alatsinainy 08 Aprily 2024

Mihabetsaka ireo tanora potiky ny fifohana rongony ankehitriny.

Ankoatra ny fahasimban’ny fahasalaman’izy ireny amin’ny ankapobeny sy ny saina dia betsaka ireo adalana hataony eny anivon’ny fiaraha-monina eny. Anisan’izany i Batman ilay mpifoka rongony eny Alakamisy Fenoarivo, distrikan’Atsimondrano. Rehefa mandray zava-mahadomelina izy dia fantatra fa manakorontana fiaraha-monina, mandrahona sy manankan-dalana, manimba fananan'olona… Nitohy hatrany anefa ny fandraisany izany zava-mahadomelina izany ka ankehitriny dia efa tsy miverina intsony ny sainy. Noraisin'ny Kaominina Alakamisy Fenoarivo sy ny Zandarimaria Antanety II Vontovorona an-tanana noho izany ny fanaterana azy eny amin'ny hopitaly Psychiatrique Anjanamasina-Anosiala ho fiarovana azy sy ny ain’ny mponina. Ahiana hahavita zava-doza mantsy i Batman ka naleon’izy ireo nisoroka izany.
Pati
Legende : Mahavita misaoty tamboho tahaka izao i Batman rehefa mammon-drongony !