BANKY

SIPEM SY NY SOLIDIS

Actualités
Talata 06 Oktobra 2026

Hanampy ny ankohonana

Malagasy hanana trano mahaleo tena
Betsaka ireo fianakaviana mitaraina amin’ny fandoavana hofantrano isam-bolana amin’izao. Efitrano roa miampy lakozia sy trano fidiovana ary fivoahana no hofaina 300.000 Ar eto an-drenivohitra nefa mbola tsy misy filaminana koa. Mpanofa trano maromaro no miray lalatsara, varavarambe amina trano lehibe iray....Samy mba tena hanana ny tranony mahaleo tena avokoa ny tsirairay noho izany saingy ny volabe hatokana amin’izany mihitsy no tsy misy. Mbola hafa ihany koa ny vola ilaina hividianana tany, ny hanoratana izany eny anivon’ny kaominina....Nahita vahaolana mifandraika amin’izany ny banky Sipem sy ny Solidis. Trano efa vita miisa 35 no hatolotr’izy ireo eny Imerimanjaka Ambohijanaka. Azo aloha tsikelikely mandritra ny 10 na 15 taona izy io miaraka amin’ny Banky Sipem amin’ny alalan’ilay tetikasa Tranosoa. Toraka izany koa ny eny Ankadikely Ilafy, distrikan’Avaradrano. Tanjon’ny roa tonta ny hanampy ireo tokantrano Malagasy mba hanana trano mahaleo tena ho azy hialana amin’ny fandoavana hofantrano lava. Tsiahivina moa fa lasa olana ara-piarahamonina goavana mihitsy amin’izao ny resaka tsy fandoavana na fitsoahana hofan-tranon’olona.
Pati
Legende : Nifanaiky tamin’ny alalan’ny fifanaovan-tsonia ny roa tonta fa hiara-kiasa !