AVARATRA ATSINANANA

Mbola maro ireo tsy salama vokatry ny fandalovan’i Gamane

Actualités
Alatsinainy 10 Jona 2024

Mbola maro ireo olona tsy salama vokatry ny fandalovan’ny rivodoza Gamane any amin’ny Faritra Avaratra

Atsinananan’ny Nosy, raha araka ny loharanom-baovao azo. Anisan’ireny ny karazana tazo izay mitady handazo mandavan-taona, ny hidihidy amin’ny hoditra, ny aretin-kibo….Maro ireo mpiara-miombon'antoka manohana ny Ministeran'ny Fahasalamam-bahoaka amin'ny fanamafisana ny rafi-pahasalamana sy ny fandraisana an-tànana ny fahasalaman'ireo vahoaka manerana ny Nosy vokatr’izany. Ny Firenena Rosianina niaraka tamin'ny OMS indray no namaly ny antso ny faran’ny herinandro teo ka nanolotra fitaovana medikaly sy fanafody ny Faritra Avaratra Atsinanan’ny Nosy.Ny tale Jeneralin'ny fisorohana ara-pahasalamana no nisolotena an'Andriamatoa Minisitry ny Fahasalamam-bahoaka nandray tamin'ny fomba ofisialy ireo fanohanana ireo. Alefa tsy ho ela any an-toerana moa ireo fitaovana sy fanafody ireo hahafahana mandray an-tanana ny fahasalaman’ny mponina.
Pati

Legende : Nandritra ny fanolorana ireo fanafody sy fitaovana !