Asa soa any Toliara

Teratany tiorka iray no nosamborina

Actualités
Talata 20 Aogositra 2024

teratany tiorka iray antsoina hoe Ahmet Temel, filohana fikambanana mpilatsaka an-tsitrapo

izay manao asa soa any Toliara no nosamborina raha ny fampitam-baovao voaray omaly. Nitokona manoloana ny biraon'ny zandary ireo vahoaka mpisitraka asa soa, nitaky ny famoahana azy. Voalaza ho nijanona avy hatrany ny hetsika famatsiana ara-tsakafo mafana ho an'ny ankizy miisa 2000 isan'andro any Toliara, raha ny fampitam-baovao voaray hatrany. Mbola tsy fantatra mazava moa hatreto ny anton'ity fisamborana ity ka andrasana, araka izany, ny fanampim-baovao fanampiny.
J. Mirija