Actualités

Arphine Helisoa Nolavina indray ny fangatahana LP

Actualités
Alakamisy 16 Aprily 2020

Mbola nolavina indray ny fangatahana fahafahana vonjimaika [LP] ho an’ny mpanao gazety Arphine Helisoa, raha ny fanazavan’ny mpisolovava azy tetsy Ankadifotsy, Willy Razafinjatovo na Olala, omaly.

Naverin’ity mpisolovava ity hatrany moa ny fanazavana mikasika ity raharaha ity izay raha fehezina dia hoe tsy tokony ho fahafahana vonjimaika fotsiny aza no omena ity voapanga ity fa tena famotsorana tanteraka mihitsy amin’ny alalan’ny fanaovana ny raharaha ho “affaire classée sans suite”. Efa voalaza fa olona mipetraka any Frantsa, antsoina hoe: Jean Philippe, no nanao ilay famoahana vaovao tanatin’ny tranokalam-pifandraisan’ilay gazety izay hiasan’ity namana mpanao gazety ity ary ny 22 martsa no nisy gazety Ny Valosoa nivoaka farany. Nanome toky ny mpisolovava fa tsy hipetra-potsiny ao anatin’izao raharaha izao.

J. Mirija