Actualités

Antananarivo Renivohitra Miroso amin’ny fanatsarana ny tanàna

Actualités
Zoma 08 Septambra 2017

Nitondra fanamarihana ny CUA manoloana ny resabe voizina an-gazety sy amin’ny haino aman-jery sasany fa namidin’ny kaominina Antananarivo amin’ny vahiny ny tany na ny “Esplanade” etsy Analakely.

Nomarihiny fa ny fanapahan-kevitra toy ny famarotana tany na tranon’ny kaominina dia tsy maintsy mandalo fanapahana na “délibération” eo anivon’ny mpanolotsain’ny tanàna avokoa, avy eo dia mbola ankatoavin’ny “Prefecture de Police” raha manaraka ny lalàna. Nohamafisin’ny Fiadiadiana ny tanàna fa ny fanavaozana ireo “Pavillons” vaovao amboarina eo amin’ny Esplanade dia famatsiam-bolan’ireo mpivarotra tao ihany, ary izy ireo ihany no hiverina hivarotra sy hampiasa io toerana io rehefa vita. Ny fotodrafitrasa kosa dia mijanona ho an’ny tanànan’Antananarivo, hanatsarana hatrany ny renivohitra, araka ny tarigetran’ny Ben’ny tanàna Lalao Ravalomanana.

Jean D.