Actualités

Antananarivo renivohitra Asiana �police mobile� manerana ny Fokontany rehetra

Actualités
Zoma 25 Jolay 2014

Ho tohin�ny ezaka entina mampandry fahalemana ny tan�na rehetra eto Antananarivo dia misy ny paik�ady vaovao noraisina

Nambaran’ny avy eo anivon’ny seraseran’ny polisim-pirenena ny kaomisera Ranaivoson Alexandre fa ho fanamafisana ny ady atao amin’ny tsy fandriampahalemana dia hezahina ny hanisy polisy mandehandeha tsy tapaka manerana ny fonkotany rehetra ato anatin’ny boriborintany valo eto Antananarivo Renivohitra. Nambarany hatrany fa ny tanjona amin’izao hetsika izao dia ny hampihena hatramin’ny fotony ny asa tsy fandriampahalemana, indrindra eny amin’ireny tanàna mafana sy faritra mena ireny. Tsy maintsy misy anefa ny fiaraha-miasa amin’ireo vaomieran’ny fandriampahalemana eny amin’ireo fokontany tsirairay noho izy ireny mahafantatra tsara ny tanàna iadidiany. Efa misy ihany koa ny fomba ifampiseraserana raha sanatria ka mifanalavitra ny mpitandro ny filaminana sy ny andrimasom-pokonolona nefa misy tampoka ny tranga tsy ampoizina.