Actualités

Antananarivo Firavaka volafotsy indray no alain’ny mpanendaka

Actualités
Zoma 09 Oktobra 2020

Mila mailo hatrany isika tia manao firavaka eto an-drenivohitra, indrindra fa ny vehivavy.

Raha efa tsy misy manao firavaka volamena intsony ny rehetra amin’izao rehefa hivoaka ny trano noho ny tahotra ireo mpanendaka dia any amin’ny firavaka volafotsy indray ireo tsy mataho-tody no manampatra ny fahaiza-manaony. Tovolahy kely iray no tratran’ny polisy nandrirotra rojo volafotsy teny an-tendana Ramatoa iray tao anaty taxi-be teny amin’ny parking 67 ha ny 06 oktobra lasa teo. Nandritra ny fotoana nijanonan’ilay taxi-be no nisehoan’izany ka lasa nitsoaka ilay tovolahy avy eo. Soa ihany anefa fa tsy lasa lavitra ity farany dia tratran’ny polisy ka nentiny nanaraka azy avy hatrany. Mbola hita teny amin’ilay tovolahy moa ilay firavaka nosintoniny ka naveriny tamin’ilay Ramatoa tompony izany. Natolotra ny fitsarana afak’omaly alarobia ny tovolahy.

Pati