Antananarivo Avaradrano

Notokanana omaly ny fonjabe sy ny Lapan’ny Fitsarana

Actualités
Alarobia 16 Oktobra 2024

Notokanana omaly ny fonjaben’Avaradrano mivelatra amin’ny velarana 13 000m2 izay mahazaka olona eo amin’ny

900 isa izay nambara fa hahafahana manalefaka ny tsindry amin’ny fahabetsahan’ny olona ao Antanimora. Tahaka izany ihany koa ny ny Lapan’ny Fitsarana Ambaratonga voalohany eny an-toerana, izay miorina ao Ambohitrabiby. Mponina 563.000 amina kaominina miisa 39 no nambara fa hisitraka ny fijoroan'izany Lapan'ny Fitsarana izany. Nilaza indray ny Filoha ankehitriny, fa tanjona napetraky ny fitondram-panjakana ny hametrahana ny rafi-pitsarana manakaiky vahoaka ary fanamby napetrany ny tsy maintsy hametrahana lapam-pitsarana manerana ireo distrika 119 eto Madagasikara. Toromarika manokana ihany koa ny hamongorana tanteraka ny tambazotra mpangala-tany ka nilazana fa hiara-hiasa amin'ny fanatanterahana izany ny eo anivon’ny minisiteran'ny Fitsarana sy ny BIANCO. Andrasana indray izany ny vokatra !
Toky R