Actualités

Ankolafy 4 Mety hihaona ihany

Actualités
Talata 09 Martsa 2010

Mety tsy ho foana tanteraka ny fihaonan�ireo lehibena ankolafy 4 nokasaina hatao tany Addis Abeba, araka ny vaovao.

Nahemotra ihany izany, araka ny loharanom-baovao. Mety mbola hisy ihany fihaonana eo amin’i Marc Ravalomanana, Didier Ratsiraka, Zafy Albert ary Andry Rajoelina, miaraka amin’ireo mpanelanelana iraisam-pirenena, raha ny fanazavana ihany. Mety mialoha ny 16 martsa, izany hoe amin’io herinandro ambony io. Tsy eto an-tanindrazana, mazava ho azy, no hanatanterahana ny fihaonana. Manodidina indrindra ny fanafoanana na fanemorana io fihaonana tokony ho natao tany Addis Abeba iny dia samy manana ny heviny ireo olon-tsotra.

Hanta : Mahakivy ! Ny sitrapony foana ve no tsy maintsy hatao ? Tsy misy vahaolana hafa mihitsy ve ? Ny GIC ve tsy afaka hanapa-kevitra satria efa tena manamafy ny fony tanteraka izy ireo ? Amiko dia aleo hilatsaka any mihitsy ny sazy satria izy ireo no efa mafy loha.

Charlie: Mampalahelo, tokony mba nandeha ihany i Andry Rajoelina. Izy rahateo efa nilaza fa na aiza na aiza ahitana fanafody ho an’i Madagasikara dia alehany izany koa naninona no tsy nandeha ? Tokony hohajaina ny sonia natao.

Jocelyn: Akaiky ny andron-dRajoelina, fotoana tokony hialany amin’izay. Isika Malagasy anefa toa tsy sahy mijoro.

Aline: Mampalahelo ny zava-misy. Ny tsy fisian’iny dia mety hitarika korontana indray. Ho hita eo raha tsy hanatanteraka ny satan’i Maputo ry zareo e ! Hany vahaolana hitako dia mila mijoro isika. Rehefa tsy hanaiky hanatanteraka ny satan’i Maputo koa ry zareo dia tokony hatsangan’ireo vonona izany tetezamita iraisana izany.

Nangonin’i Soa