ANKIZIVAVY BEVOHOKA 7 VOLANA

Nofirain’ny havam-badiny ny antsy, ahiana ho afa-jaza

Actualités
Alakamisy 03 Oktobra 2024

Ankizivavy vao 26 taona monja, bevohoka 7 volana no fantatra fa nofirain’ny havam-badiny

tamin’ny antsy teo amin'ny lohany sy ny tanany tany Tsararivotra Ambalaroka , distrikan’i Manakara afak’omaly Talata 01 Okotobra tokony ho tamin’ny 11 ora atoandro. Tapaka tanteraka vokatr’izany ny tananan’ilay ankizivavy ka tsy maintsy ilana fandidiana ao amin’ny hopitaliben’i Manakara. Raha araka ny fantatra dia tsy nisy ny olana na fifamaliana teo amin’izy ireo. Fialonana tsotra izao no antony raha araka ny fanazavam-badin’ity tovovavy ity sy ny rahavavin-dReniny. Voka-dratsy mety ho aterak’ity tranga ity moa ny fahafantarana fa very ra be ilay tovovavy, antony mety hahafa-jaza azy.Miantso fanampiana ny amin'ny fitsaboana sy fandraisana andraikitra manoloana ny heritsetra nahazo ny zanany ireo fianakaviana. Efa eo am-pelatanan’ny mpitandro ny filaminana kosa ny raharaha.
Pati
Legende : Mbola manaraka fitsaboana ao amin’ny hopitaly tahaka izao ilay tovovavy !