ANKILILAOKA-RN 9

Sarona ny tambajotra mpitrandraka hazo tsy ara-dalana

Actualités
Alakamisy 07 Mey 2026

Tratra nandritra ny hetsika nataon’ny

patrouille de nuit (brigade mixte)," nahitana ny OPJ avy amin’ny DREDD Atsimo Andrefana, ny zandary ary ny fikambanana FARAFATSI, tao Ankililoaka any amin'ny lalam-pirenena faha-9 ireo mpitrandraka hazo tsy ara-dalàna, omaly 06 May tokony ho tamin'ny 3 ora maraina. Sarona nandritra izany ny hazo longrines miisa 51, sarikily 42, handy 5, ary hazontsifaky 4. Voasambotra ihany koa ireo olona miisa 6 tompon'antoka. Notànana avy hatrany ireo olona voarohirohy ary hatolotra fitsarana ny raharaha. Naiditra am-balan-tsazy kosa ny kamiao nitondra ny hazo. Tsiahivina fa efa maro ny tranga toy izao any an-toerana. Misy hatrany ny fidirana an-tsehatra hataon'ireo manam-pahefana sy ireo tompon'andraikitra isan-tsokajiny. Na izany aza dia misy koa ny fandrahonana ireo mpiantsehatra amin'ny fiarovana ny ala ka isan'ny mampirongatra ny fitrandrahana sy ny asa fangalarana hazo tsy ara-dalàna, any amin'iny faritra iny. Antso avo araka izany no hatao amin'ny mpitondra fanjakana mba hijery akaiky ny mikasika izany.
Pati
Légende : Ireo hazo tratra sy ilay kamiao nitondra azy !