Actualités

Anjanahary Tratra ilay mpampiasa lakile « passe-partout »

Actualités
Talata 30 Jona 2020

Mitohy hatrany ny ezaka hataon’ny polisim-pirenena amin’ny fampandriana fahalemana sy ny fiarovana ny vahoaka sy ny fananany.

Nohamafisina izany nandritra ny fiatrehana ny fankalazana ny fetim-pirenena teo ka ny 25 jona tokony ho tamin’ny dimy ora latsaka fahefany maraina dia tovolahy iray no tratrany teny Anjanahary. Nandritra ny fisafoana nataon’ny polisy teny an-toerana no nahitana azy io ho mailo dia mailo tokoa, niafina tao ambadiky ny fiara mijanona amin’ny sisin-dalana ary saika hitsoaka. Avy hatrany dia nosakanana tsy navela nandeha anefa izy ka rehefa nosavaina dia nahatrarana fausse-clé passe-partout sy clé ary tournevis izay marihina fa fitaovana fampiasan’io olon-dratsy io amin’ny fangalarana fiara na moto an’olona avokoa. Nentina teny amin’ny biraon’ny polisy izy nanaovana fanadihadiana. Omaly kosa no natolotra ny fampanoavana ny lehilahy.

Pati