Andro afrikanina momba ny fomban-drazana

Partagé sur :
• facebook

Nankalazaina omaly ny Andro afrikanina momba ny fomban-drazana na

Journée africain de coutume et de tradition». Nanamarika izany teny Ifandro, distrikan’Atsimondrano, ny fikambanana Antehiroka sy fikambanana samihafa ary malagasy maro samihafa eto Madagasikara izay mandala ny fomban-drazana malagasy. Miezaka izahay, hoy ny filohan’ny fikambanana Manda aron’ny maha gasy, Josephin Andriandrainarivo, manentana ny malagasy hanararaotra ny andro mampiray manerana an’i Afrika, izao tontolo izao, indrindra, isika malagasy. Samy manana ny fomba amam-panaony, ny fomban-drazany, ny kolontsaina iombonana ity Madagasikara misy soatoavina hoe Fihavanana ity. Ahoana ny hahamafy orina izay fihavanana izay? Amin’ny alalan’ireto fomba amam-panao sy fomban-drazana ireto no maha tokana antsika malagasy hatrany atsimo ka hatrany avaratra, hatrany atsinanana ka hatrany andrefana, indrindra, eto afovoan-tany. Manentana ny fitondràm-panjakàna, isaorana aloha ho an’ny andro afrikanina momba ny fitsaboana nenti-paharazana ny 31 aogositra fa efa an-taonany maro izao no nankalazantsika izany. Izahay koa izany dia mangetaheta ny hitarihan’ny fanjakàna hanaovana azy ho andro eto amin’ny firenena ny hankalazàna io andro afrikanina momba ny fomban-drazana sy ny fomba amam-panao na ny fomban-tany io. Eo ihany koa ny 24 janoary, izay andro maneran-tany ho an’ny kolontsaina afrikanina. Fisantarana azy ny eto Ifandro fa mirary izahay ny hitohizan’izany manerana an’i Madagasikara. Ny azo antoka aloha dia hanao tahaka izao koa ny any Fenoarivo Atsinanana, hoy hatrany ireto nisantatra ity fankalazàna ity teto Madagasikara ireto.
Nangonin’i J. Mirija
 

Tia Tanindrazana

Samia mijoro ho an'i Gasikara.