ANDRANONAHOATRA

Havaozina asiana rihina ny biraon’ny kaominina

Actualités
Alatsinainy 23 Jona 2025

Toy ireo Ben’ny tanàna lanim-bahoaka rehetra dia miezaka manatanteraka ireo fampanantenana

nataony nandritra ny fampielezan-kevitra ny Ben’ny tananan’Andranonahoatra Rasamison Haja. Miroso amin’ny fanavaozana tanteraka ny biraon’ny kaominina izy sy ny ekipany ankehitriny, asa izay efa tokony notanterahina ela saingy noho ny fiparitahan’ny valan’aretina COVID teto amintsika dia voatery naato. Raha araka ny fanazavany dia tena sahirana ny kaominina. Na ny karaman’ny mpiasa aza dia nambarany fa mila tsy ho voaloha saingy ny asa fampandrosoana tsy maintsy mandeha ihany. Ny fitaovana rehetra ilaina amin’ny asa fanamboarana araka izany dia avy amin’ireo malala-tanana sy tsara sitrapo avokoa izay mbola hanaovany antso avo hatrany. Hiantohan’ny kaominina kosa ny karaman’ny mpanamboatra. Efa mandeha ny asa na dia izany aza izay ezahina hasiana rihina iray ahitana efitrano roa lehibe natokana ho an’ny fivoriana sy ho an'ny mpanolon-tsaina. Chapiteaux maromaro avy amin’ny tetikasa Produir araka izany no natsangana mba hiasan’izy ireo vonjimaika aloha. Nomarihin’ity Ben’ny tanana ity moa fa tanjony ny hanatsarana sy hanomezana endrika ny kaominina. Ho an’ny vahoakan’Andranonahoatra no hanaovana izany hoy izy no sady hodimbiasan’ireo Ben’ny tanana hafa manaraka ihany koo.
Pati
Legende : Rasamison Haja, Ben'ny tanànan'ny kaominina Andranonahoatra